बेरोजगारी, महागाई वाढते आहे.
शिक्षण आणि आरोग्य यावरील खर्चही वाढतोय.
कधी अती पाऊस कधी महापूर तर कधी पाणी टंचाई आपण पाहत आलो आहोत.
पण मराठी माणूस आणि खास करून मुंबईकर हार मानत नाही, खचून जात नाही
संतांची शिकवण, आपले सण – उत्सव, सुधारकांचे मार्गदर्शन यामुळे आपण नेहमीच भविष्याची काळजी करत न बसता येणाऱ्या संकटाला सामोरे जातो, सतत कार्यरत राहतो.

पण ग्लोबल वॉर्मिग, पर्यावरणाची हानी, बदलते हवामान याचे तडाखे आपल्या दारे खिडक्या वर बसू लागले आहेत, याला सामोरे जाऊन ते थांबविण्यासाठी शासन-प्रशासन आणि जागतिक संघटना यांच्या सूचना-मार्गदर्शन व कार्यवाहीची वाट न पाहता आता आपणच सुरुवात केली पाहिजे.  या करिता घराघरातील विद्यार्थी, कुटुंब सदस्य आणि कलाकारांना प्रोत्साहन मिळावे म्हणून प्रयोग मालाड संस्था आपल्या सहकार्याने  ” टाकाऊतून टिकाऊ देखणी कलाकृती निर्मिती स्पर्धा ” आयोजित करीत आहे.

या स्पर्धेमागील उद्देश सामाजिक – सांस्कृतिक तसेच वैश्विक आहे. महाराष्ट्रासह हिंदुस्थानभर हजारो वर्ष अधिराज्य गाजवित आहे ती शिल्पकला आणि चित्रकला आज कुठे आहे? गणेशोत्सव, नारत्रोत्सव आणि मोजक्याच  भव्य दिव्य नाट्य आणि चित्रपट निर्मिती मधून ती केव्हा तरी नेत्रसुख देते. बाकी?? 

अजिंठा वेरूळ लेणी, हेमाडपंथी मंदिरे, हंपी, खजुराहो, कोणार्क येथील भव्य प्रासाद आणि देवालये आणि कान्हेरी, इलिफान्टा या आणि आशा अन्य ठिकाणच्या प्राचीन गुंफा पाहिल्यावर आता आशा प्रकारची शिल्प आणि चित्र निर्माण का होत नाहीत हा प्रश्न जाणकार मंडळींना पडतो.

महान तज्ञ संशोधक स्टीफन हॉकिंग यांनी जगाला सावध करताना सुनावलं आहे, ‘ जर तुम्ही यंत्राच्या मागे लागून यांत्रिक बैधिकता  प्रगत करीत रहाल तर मानवजातीचा विनाश होईल ‘

हे लक्षात घेऊन अजून ” यंत्र विकास हे आपल भविष्य नाही  तर कलासंकृती जपणं,  तीच संवर्धन करण हेच आपल भूत – वर्तमान आणि भविष्य आहे ” असे आम्हाला वाटते , या करिता टाकावू सामनातून टिकाऊ कलाकृती निर्माण करण्यासाठी ,  स्थानिक होतकरू सुज्ञ विद्यार्थी, महिला, कलाकार  आणि कारागीर यांना प्रोत्साहन देण्यासाठी संस्थेने हा स्पर्धा आयोजनाचा संकल्प सोडला आहे. 

आपले विविध सण, उत्सव, कुटुंबातील लग्न सोहळे, वाढदिवस अशा विविध क्षणी भक्ती, प्रेम, आदर, दाखविण्यासाठी जी सजावट करतो, भेट वस्तू देतो – घेतो यातील भावना संतुष्टी – समर्पण दाखविण्यासाठी तन – मन – धन वेचतो. पण यापलीकडे यातील ५०/६० टक्के  वेळ वस्तू- सहित्य यावर वाया जातो.

याच वाया जाणाऱ्या टाकाऊ सामनातून टिकाऊ शोभिवंत कलाकृती निर्माण करण्यासाठी स्थानिक विद्यार्थी आणि कारागीर/ कलाकारांना प्रोत्साहन मिळावे म्हणून ही स्पर्धा आयोजित केली आहे. 

यातून मोजकेच  उत्तम विद्यार्थी आणि कारागीर/ कलाकार यांच्या कलाकृतीला पारितोषिक मिळेल पण प्रयत्न करणाऱ्या सर्व इतर स्पर्धकांचा संस्था आणि त्यांच्या परिवारात सन्मान होईलच. मुख्य म्हणजे आपला या स्पर्धेतील सहभाग हा इतर अनेकांना प्रेरणा देईल ज्यामुळे आपण पर्यावरण स्नेही वातावरण आपल्या सभोवती निर्माण करण्यासाठी उचलेले हे आपणा सर्वांचे पहिले,छोटे का होईना पण खंबीर पाऊल असेल.

या करिता आपला परिवार, मित्र मंडळी, कार्यालयीन/ उद्योगातील सहकाऱ्यांना याची माहिती देऊन या सामाजिक , शैक्षणिक हिताच्या पर्यावरणपूरक उपक्रम यशस्वी होण्यासाठी सहकार्य करावें ही विनंती.